চাঙমা সাহিত্য সম্ভার

আলোময় চাকমা

কবি ও কথাসাহিত্যিক

জুম থোক আর ন' থোক তুও আমি জুম্মো। মোন মুড়োউন দ' এবঅ গোলি ন' যান। জুম্মবী, তুই ঠিক থেলে মুজুঙেঁদি কাবিবংগোই জুম। দোগিনো শিজেবোত তুলিবংগোই হুচ্ছেমুচ্ছে গোরি জুমঘর। পিবির পিবির মাত্তল বুইয়ারত ইজরত বোইনে পহরাজ মারিবং। মুজুঙোঁ মুজুঙিঁ বোইনে দ্বিজনে স্ববন বুনিবং চিজি দাঘিত্তে। জুরি থোই দিবং আগাজর পহন পহন তারাউন। একদিন চিজিদাঘি পিত্থিমী বুগোত সে তারাউনো ধক ঝিমিত ঝিমিত জ্বোলি পারন পারা। পহর ছিদে পারন পারা মোন্-মুড়ো, ছড়া-ছড়ি, হোনাহুনি, ঘোনাঘুনি, কলক, দজর, তারুম ঝাড়ানী। ঠিগে রাঘে পারন পারা জাদর দোল দোল রিদি সুদোমানি। আলোময় চাঙমা